Almalı Tort

Biskviti üçün
6 yumurta
170 qram şəkər tozu
160 qr un
Yarım çay stəkanı portağal suyu

Kremi üçün
500 ml. süd
2 yumurta sarısı
3 yemək qaşığı şəkər tozu
3 yemək qaşığı un
100 qr marqarin
1 paket vanil

Mereng üçün
3 yumurta ağı
3 yemək qaşığı şəkər tozu

Kənarları üçün
4 alma
1 çay qaşığı darçın

Almalı Tort Necə Hazırlanır
Almaları rəndələyib darçınla qarışdırın və gözlədin. Yumurta sarılarını və ağlarını iki ayrı qaba ayırın.Şəkər tozunun yarısını yumurtanın ağları ilə yaxşıca çalın. Şəkərin digər yarısını yumurta sarıları ilə qatılaşana qədər yaxşıca çalın. İkisini bir-birinə qarışdırın. Ələnmiş un və portağal suyunu da əlavə edərək yenə yumurtaları söndürmədən diqqətlə qarışdırın. Yağlı kağız sərili qaba tökün və əvvəlcədən isidilmiş 170 dərəcə sobada diş çöpü batıranda təmiz çıxana qədər bişirin. Sobadan çıxarıb soyumağa qoyun. Kremi üçün, süd, yumurta sarısı, şəkər, un və vanili qazana alın və davamlı qarışdıraraq qatılaşana qədər bişirin. Ocaqdan götürüb marqarin əlavə edin və mikser və ya mətbəx robotu ilə 5 dəqiqə çırpın. Almaların suyunu sıxaraq bir qaba alın. Soyuyan biskviti eninə ortadan ikiyə kəsin . Alma şirəsinin yarısını biskivitin üzərinə gəzdirib kremi əlavə edin. Digər biskviti də alma suyu ilə isladıb kremin üzərinə yüngülcə basdıraraq örtün.Rəndələnmiş almalar ilə
biskvitin kənarını bəzəyin. Yumurta ağlarını mikserlə 3 dəqiqə çırpın. Şəkəri qaşıq- qaşıq əlavə edib qatılaşana qədər çalmağa davam edin. Merengi tortun üstünə yayıb, sobada üzəri qızarana qədər təxminən 2-3 dəqiqə bişirin. Ən az 2 saat soyuducuda saxladıqdan sonra servis edin.